शिक्षण संक्रमण

महाराष्ट्र राज्य माध्यमिक व उच्च माध्यमिक शिक्षण मंडळाकडून दरमहा ‘शिक्षण संक्रमण’ शैक्षणिक मासिक प्रकाशित केले जाते. या मासिकाचे राज्यातील माध्यमिक व उच्च माध्यमिक शाळा, क.महाविद्यालये वर्गणीदार आहेत. तसेच शिक्षक,पालक, विद्यार्थी इत्यादी मोठ्याप्रमाणावर वर्गणीदार आहेत. या मासिकातून शिक्षणक्षेत्राशी संबंधित लेख, शाळांचे नावीन्यपूर्ण उपक्रम, दिनविशेषावर आधारित लेख व माहिती, पुनर्रचित अभ्यासक्रम, मूल्यमापन पद्धती, अभ्यासक्रमासंदर्भातील बदल, अध्यापन पद्धती, परीक्षा पद्धती, परिपत्रके, शाळा-कानिष्ठ महाविद्यालयांशी संबंधित शासन निर्णय इत्यादी प्रसिद्ध केले जातात.